Президент Арыстағы жағдайды білу үшін Түркістан облысына ұшып барады. Қасым-Жомарт Тоқаевтың баспасөз хатшысы әлеуметтік желіде осылай хабарлады. Мемлекет басшысы твиттердегі парақшасында Арыстағы қару-жарақ қоймасындағы жарылыс зардабын жойып, халықтың қауіпсіздігін қамтамасыз етуді тапсырды. Президент Қасым-Жомарт Тоқаев Ішкі істер және Қорғаныс министрі мен Түркістан облысының әкіміне осындай тапсырма берді. Құзырлы органдарға апат себебін анықтауды да жүктеді.
