Негізгі / Жаңалықтар / «Барыс» хоккей клубы ҚР Президентінің кубогын иеленді

«Барыс» хоккей клубы ҚР Президентінің кубогын иеленді

Бірде бір жеңіліссіз! Төрт ойынның барлығында жеңіске жеткен «Барыс» хоккей клубы Қазақстан Республикасы Президентінің кубогын иеленді. Соңғы ойынды Ресейдің «Салават Юлаев» командасымен өткізген Андрей Скабелка шәкірттері 2-1 есебімен басым түсті. Айта кетсек, осымен 10-шы рет өткізілген Президент кубогін елордалық клуб 5-ші мәрте жеңіп алды. Екінші орын «Автомобилистке», үшінші орын «Ак Барсқа» бұйырды. Сондай-ақ жеке номинациялар бойынша үздік ойыншылар да марапатталды. Атап айтсақ, барыстық Эдуард Паскуале - үздік қақпашы, Даррен Диц - үздік қорғаушы, Дастин Бойд - үздік бомбардир атанды. Ал Салават Юлаев командасының ойыншысы Родион Амиров - үздік шабуылшы болып танылды. Жеңімпаздар мен жүлдегерлерге марапаттарды премьер-министр, Хоккей федерациясының президенті Асқар Мамин тапсырды.

Ә. Өмірзақ