Тәртіп бұзған тәртіп сақшысы. Қостанайда мас күйде көлік тізгіндеп жол апатына ұшыраған полицей жұмыстан қуылды. Ол аудандық қылмыстық іздестіру бөлімін басқарған. Полиция қызметкері мінген Mitsubishi Outlander бағдаршамда тұрған ВАЗ-2110 көлігімен соқтығысып, салдарынан алдындағы тағы бір автокөлікке зақым келтірген. Жарақаттанған жолаушысы дереу ауруханаға жеткізіліпті. Қазір оның жағдайы қалыпты - дейді полицияның баспасөз қызметі. Сараптама қорытындысына сай сақшының ішімдік ішкені анықталған. Департамент басшысының бұйырығымен полицей қызметінен қуылды. Сонымен қатар осы жол- көлік оқиғасына байланысты қылмыстық іс тергелуде.
Кенже ҚОНЫСБАЙ, ҚОСТАНАЙ ОБЛЫСЫ ПД БАСПАСӨЗ ҚЫЗМЕТІНІҢ БАС МАМАНЫ:
Мас күйінде жол-көлік оқиғасына себеп болған полиция қызметкері әскери қызметтік тәртіпті және заң талаптарын сақтамағаны үшін тәртіптік комиссияның шешіміне сәйкес полиция департаментінің бастығы Бекет Аймағамбетовтің бұйрығымен ішкі істер органынан шығарылды.
З. Санай
