Денсаулық
сақтау министрлігінің бұрынғы фармация комитетінің басшысы Людмила Пак пен «СҚ-Фармация» басшысы Максим Касаткиннің парамен ұсталу ісі дәрі-дәрмек саласындағы
бағаны тұрақтандыруға және тендрлерді мерзімінде өткізуге кедергі келтірмейді.
Бұл туралы Денсаулық сақтау министрлігі фармация комитетінің жаңа төрайымы
мәлімдеді. Қазір құзырлы орган дәрі-дәрмек бағасын реттеу бойынша арнайы заң
жобасын да әзірлеп жатыр, ол келер жылға қарай ұсынылмақ.
Сондай-ақ Бюрабекова
ендігіде дәрігерлердің тағайындауымен берілген дәрі-дәрмектердің қаншалықты дұрыс тағайындалғаны тексерілетін
болады дейді. Себебі ақ халаттылардың фармацевтикалық компаниялармен келісіп,
арзан баламасы бола тұра, белгілі бір компанияның қымбат дәрісін алу керек деп
нұсқау беруі көбейген.