Сенат депутаттығына бүгінгі күнге дейін 88 үміткер ұсынылған. Әзірге әр орынға бес адам таласқа түседі. Бұл туралы Орталық сайлау комиссиясында өткен жиында белгілі болды. Комиссия төрағасы үміткерлерді ұсыну шілденің 12-іне дейін жалғасатынын айтты. Сондай-ақ жиын барысында үміткерлерге БАҚ-қа өз бағдарламаларымен шығу тәртібі түсіндірілді. Орталық сайлау комиссиясының хатшысы Сәбила Мұстафина әр кандидаттың үгіт-насихатқа кететін шығынын өтеуге 450 мың теңгеден бөлінетінін жеткізді. Бұл қаражатқа үміткер мерзімді баспаларда мақала жариялаудан бастап, көлік шығындарына кететін ақша да есептелген,-деді.
Сәбила МҰСТАФИНА, ҚР ОРТАЛЫҚ САЙЛАУ КОМИССИЯСЫНЫҢ ХАТШЫСЫ:
Республикалық бюджет қаражатынан кандидаттардың сайлау алдындағы жариялы іс-шараларын өткізуге, үгіт материалдарын шығаруға арналған шығыстары мен көлік шығыстары Орталық сайлау комиссиясы белгілеген мөлшерде өтеледі.
Ғ.Өтемісов
