Атыраудағы мұнай өңдеу зауыты мұржасынан белгісіз түтін шығып дүйім жұртты алаңдатты. Үздіксіз, будақтап шыққан түтін әлеуметтік желіні шулатқан. Мына видеоға назар аударайық.
Видеоны түсірген азамат, түтіннен жағымсыз иіс шыққанын айтыпты. Будақтаған көк түтін Атырау жұртшылығына қаншалықты зиян? Бұл сұрақты біз облыстағы экология департаментінен сұрап білдік. Айтуларынша, зауыт басына барған жылжымалы мобильді зертхана, ауадан зиянды заттар таппапты.
Сырым ТІЛЕГЕНОВ, АТЫРАУ ОБЛЫСЫ БОЙЫНША ЭКОЛОГИЯ ДЕПАРАТМЕНТІ ДИРЕКТОРЫНЫҢ ОРЫНБАСАРЫ:
Сынама алғанда күкіртсутегі, азот диоксиді, азот оксиді, көмірқышқыл оксиді сияқты ингредиенттерге жасалды. Консентрациядан асу фактісі анықталған жоқ. Қазіргі таңда бұл оқиға бойынша қандай себебі болуы анықталуда. 700-800градус кезінде бу шыққан кезде сондай аппақ түтін боп шығады.
Дегенмен, экология департаменті кезектен тыс тексеріс бастамақ. Оның нәтижесі екі аптадан кейін бірақ белгілі болады екен. Ал, кәсіпорын басшылығы болса, зауытта еш қандай апатты жағдай тіркелмегенін, айтып отыр. Арнамызға берілген ресми жауапта: 2020 жылғы 17-18 қазанда зауыт қондырғылары технологиялық режимде жұмыс жасады және кестеге сәйкес қызметін жалғастыруда. Апатты жағдайлар туындаған жоқ.
Б. Нәдірқызы
