Спорт Қазақстан
$449.58 €486.94 ₽4.86
×

Төрт-түлік пойыз астына түсіп қырылып жатыр

AstanaTV
02.11.2020ж. 20:00
2719
Төрт-түлік пойыз астына түсіп қырылып жатыр

Атырау облысының шаруа қожалық иелері, малдарының қырылып жатқанын айтып шағымданды. Айтуларынша жайылым жер азайған. Шөп іздеген төрт-түліктің бірі арадағы пойыз жолынан өтем деп, енді бірі тікенекті сымдарға қарынын жарып жатыр. Айына жоқ дегенде 10 малды пойыз қағады деді. Мұны теміржолға жауаптыларда растады. Ал, жергілікті атқамінерлер болса, мәселені шешуге асығар емес деп отыр.

Базаргүл НӘДІРҚЫЗЫ, ТІЛШІ:

Исатай ауданына қарасты 4 ауылдың ірі қара малдары осыдан 35 шақырым қашықтықтағы Нарын құмының жиегіне жайылады. Ал ауылға су ішуге қайтарда мынадай теміржолдан өтуге мәжбүр. Арнайы өткел болмағандықтан олар пойызға соғылып, мынадай қауіпті сымдарға жарылып өліп жатыр.

Пойыз жолы бұл аумақта ертеден бар. Бірақ мәселе соңғы 3-4жылдан бері ушыққан. Өйткені малға қажетті жайылым жер тарылған. Қауіпсіздікті болдырмау үшін теміржолдың екі бетін қоршауды қолға алды. Бірақ қауіп сейілген жоқ, керісінше күшейді,-  дейді ауыл тұрындары.

Бақтыгерей ХАРЕСОВ, ИСАТАЙ АУДАНЫНЫҢ ТҰРҒЫНЫ:

Осы арада 50 шақырым жерден аңқасы кеуіп келе жатқан жылқы суға қарай мына арадан анау-мынау қоршауды қарамайды. Бұзып өтеді.  Жарақат алады. Басылғаны басылады. Осы проблеманы теміржолмен, әкімшілікпен  бірлесіп шешіп жолға қоюды сұраймыз.+Жылына бізге нақты статистика жоқ. 150 ме, 100 бе ірі  қара түйесі бар, жылқысы бар өледі.

Нұрғиса МҰХАМБЕТЖАНОВ, ИСАТАЙ АУДАНЫНЫҢ ТҰРҒЫНЫ:

Малдарыңды қазір қолға ұстаңдар. Бағыңдар,- дейді. Бізде ондай мүмкіндік жоқ. Мал кететін 30-40 шақырым қашықтыққа кетеді. Сұрайтынымыз не болмаса суды малдың өрісіне қарай темір жолдан шығарып берсе, мүмкіндігіне қарай. Не болмаса, ашық жерлерді қалдырса,  мал өтетін. Кеңдеу кеңдеу қылып.

Жайылым жерлердің топыраққа айналғаны малшыларды алаңдатып отыр. Олар төрт түліктің басын көбейтудің орнына, шығынға батып жатқанын әкімдікке бірнеше қайтара ескерткен. Алайда атқанілерлер әрекет етпей отырғанына ашулы.

Құрманғали МҰХТАРОВ, ИСАТАЙ АУДАНЫНЫҢ ТҰРҒЫНЫ:


Ауданда ауыл шаруашылығы бөлімі дейтін бар. Сол бөлімнің бәрінде 5-6-дан маман отыр. Бірақ оның бәрі халықпен санасып жұмыс жасап жатқан ешкім жоқ. Ол ақпар сұрағанда, шаруа қожалығынан жылдық есеп сұрағанда , я болмаса каналдың суына ақша сұрағанда оған жақсы бәрі де.  

Малдың қырылып жатқанын теміржолға жауаптылар растады. Олар мәселені шешу үшін арнайы маманда шығарғандарын айтады.

Ізбасар ДОСАЛИЕВ, «ҚТЖ» ҰК АҚ АТЫРАУ МАГИСТРАЛДЫ ЖЕЛІСІ ҚЫЗМЕТКЕРІ:


Мал қағылады.  Әсіресе түнде қағылады. Көбіне.Бір айда 10 шақты мал қағылады.


Мәди ЖИЕНҒАЗИЕВ, «ҚТЖ» ҰК АҚ АТЫРАУ МАГИСТРАЛДЫ ЖЕЛІСІ ДИРЕКЦИЯСЫНЫҢ ЖОЛ ШЕБЕРІ:


Нарын мен 14- разъездің орталығында 6-7 туннель бар. Ол мал өтуге арналмаған, кезінде сайларға су өтуге тастап кеткен. Теміржолшының ең басты міндеті жол қауіпсіздігін сақтау. Біз өзіміздің қызметімізді атқарып жатырмыз, енді. Қосымша теміржол мал айдауға кісі шығарып қойды қазір.

Жергілікті шенеуніктер болса, мәселе жоқ деді. Өйткені теміржолдың екі бетінде де су жеткілікті деп отыр. Тек тұрғындар оны алыссынады,- дейді.

Еркебұлан ӘБІЛҚАСЫМОВ, ИСАТАЙ АУДАНЫ ӘКІМІНІҢ ОРЫНБАСАРЫ:

Қонай котлабанына су барып тұр ол жерге. Енді қашықтығы 15-17 шақырым шамасы болады. Манағы айтып отырған «ашып бер» деп отырған жерден Қызтуған каналы темір жолдан 7-8 км қашықтықта. Айырмашылығы шамалы.  


Еркебұлан Әбілқасымов дегенмен мәселені шешуге жәрдемдесем деп уәде етті. Енді ол Қазақстан Теміржолы компаниясына тұрғындардың уәжін айтып хат жолдамақ. Ең болмағанда қоршаудың  мал өтетін кейбір бөлігін ашып тастауды өтінбек.     

Б. Нәдірқызы