Бүгін Республикалық сайлауалды штабтың бірінші отырысы өтті. "Nur Otan" партиясы бейнеконференция арқылы қосылды. Штаб құрамына қоғамдық пікір көшбасшылары, партия белсенділері мен партиялық тізімге енген кандидаттар қатарынан 400-ден астам адам кірді.
Партия төрағасының бірінші орынбасары Бауыржан Байбектің айтуынша, 216 өңірлік сайлауалды штаб жұмысына 7 мыңдай белсенді қатысты. Олардың әр қайсысына арнап жеке үгіт-насихат жоспары және сайлаушылармен кездесу кестесі әзірленген. Партия төрағасының орынбасары, "Науқанға сайлаушыларды 100% қамтуға тиіспіз", деп отыр. Партия мүшелері мен кандидаттар саяси додада барынша белсенді болуы керек, деді. Сондай ақ пандемия кезінде іс-шараларды барынша талапқа сай өткізуді тапсырды. Әсіресе, зейнеткерлер, жұмысшылар, ауыл шаруашылығы саласы, мұғалімдер және дәрігерлермен кездеседі. Оларды толғандырған мәселелерді жан-жақты талқылап, сайлауалды бағдарламада көрсетілген мәселелердің нақты шешімін әрбір сайлаушыға қарапайым әрі түсінікті тілде жеткізу қажеттілігіне тоқталды.
Бауыржан БАЙБЕК, "NUR OTAN" ПАРТИЯСЫ ТӨРАҒАСЫНЫҢ БІРІНШІ ОРЫНБАСАРЫ:
Елбасы партиямыздың төрағасы Н. Әбішұлы Назарбаев съезде атап өткендей біздің жетістіктеріміздің негізінде 3 басты қағида жатыр. Ол жауапкершілік. Жұдырықтай жұмылу. Ортақ мұрат-мақсаттарды ұстану. Біз өткен сайлауда жеңіске жеткен сәттен бастап жүйелі түрде жұмыс істедік. Дағдарысқа қарамастан, сайлауалды бағдарламалар міндеттемелерінің барлығын дерлік орындадық. Партия "Сенім, диалог, болашаққа нық қадам" іске асырып, сайлауға кешенді түрде дайындықпен келді.
Партия сайлауалды штаб аясында 35 қала мен 82 ауданда 300-ден астам іс-шара өткізеді. 6,5-мыңға жуық кандидат сайлаушылармен кездеседі. Айта кету керек, бүгіннен бастап nurotan2021.kz арнайы сайты іске қосылып, онда барлық сайлауалды бағдарлама мен партиялық тізімдер жарияланған.
А. Мүтәлі
