Алматыда коронавируспен ауыратын науқастардың бірінен, індеттің мутациясы анықталды. Бұл туралы денсаулық сақтау министрлігі хабарлайды. Дүниежүзілік денсаулық сақтау ұйымы ұсынған, Covid-19 штаммдарын анықтайтын экспресс ПТР-скрининг бойынша анықталыпты. Мутация кеселдің "Британдық", "Оңтүстік Африка", "Бразилиялық" формаларына ұқсас деп отыр.
Алексей ЦОЙ, ҚР ДЕНСАУЛЫҚ САҚТАУ МИНИСТРІ:
Мутацияны және оның осы штаммдардың біріне жататынын нақты растау толық геномдық секвенирлеу аяқталғаннан кейін белгілі болады. Ол бір ай ішінде анықталады. Сондай-ақ коронавирустың алдын алу және мутацияны емдеу шаралары қолданыстағы тәсілдерге ұқсас. Демалыс және мереке күндері қарсаңында індеттің таралуына жол бермеу үшін тиісті сақтық шараларын мұқият сақтауды еске саламыз.
Министр, сондай-ақ, адам көп жиналатын орындарға бармауға, маска режимін және әлеуметтік арақашықтықты қатаң сақтауға шақырады. Жұқпалы дерттен жаппай вакцинациялау ғана құтқаратынын еске салды.
А. Данияр
