Ауа райы -
Негізгі / Жаңалықтар / Аяжан Еділованы өлтірген күдіктінің ата-анасы мұғалім болған

Аяжан Еділованы өлтірген күдіктінің ата-анасы мұғалім болған

Алматыда жантүршігерлік жағдайда табылған 19 жастағы Аяжан Еділованы өлтірді деген күдіктінің жеке басына қатысты бірқатар тың деректер анықталды. Тілшілеріміз анықтағанындай, сезікті қазіргі Оңтүстік Қазақстан Медицина академиясында небәрі екі жыл ғана оқыпты. Бұрынғы студенттерінің аты бұлайша шығуы қырық жылдық тарихы бар оқу орнының ұжымына да оңай соқпаған. Факультет деканы Қанат Дәуренбековтің айтуынша, Рахманберді Төребеков аталған оқу орнына 2012 жылы грантқа оқуға түскен. Фармацевтика мамандығы бойынша оқып жүрген студент, тек екінші курстан соң академиялық қарыздарына байланысты оқудан шығарылған болып шықты.

Қанат ДӘУРЕНБЕКОВ,  ШЫМКЕНТ қ. ОҢТҮСТІК ҚАЗАҚСТАН МЕДИЦИНА АКАДЕМИЯСЫ ФАРМАЦИЯ ФАКУЛЬТЕТІНІҢ ДЕКАНЫ:

 
Оқудан шығарылған себебі : бұл сабақтарға дұрыс қатыспаған. Және пәндер бойынша сабақтарға жіберілмеген емтихандық сессияға  және өзінің жауапсыздығынан осындай жағдайға келген.  Ал енді -мінезіне келетін болсақ, енді біздің әріптестерге айтуына қарағанда  - өте салмақты. Мынау өзінің әріптестерімен, құрбы-құрдастарымен жанжалға түсіп  немесе оқытушылармен жанжалға түсіп ондай кезеңдер болған емес.

Айта кетейік, 28 жастағы күдікті Түркістан облысы Шардара ауданы Жаушықұм ауылының тумасы. Ол сондағы жалпы орта мектепті 2010 жылы «Алтын белгімен» бітерген. Айтпақшы, күдікті Рахманберді Төребековтың ата-анасы мұғалім болған. Жаушықұм ауылы әкімінің мәліметіне сүйенсек ерлі-зайыптылар қазір зейнетте. Екі жылдан астам уақыт бұрын Түркістанға қоныс аударыпты. Олардың ортақ үш перзент бар деді.

А. Төребекқызы