Ауа райы -
Негізгі / Жаңалықтар / Қазақстанда коронавирус жұқтырудың рекордтық көрсеткіші тіркелді

Қазақстанда коронавирус жұқтырудың рекордтық көрсеткіші тіркелді

Қазақстанда коронавирус бойынша жағдай оңалар емес. Өткен тәулікте індет жұқтырғандардың рекордтық көрсеткіші тіркелді. Шалдығудың ең көп дерегі Алматы, Нұр-Сұлтан қалалары мен Алматы облысында анықталған. Денсаулық сақтау министрлігінің мәліметінше, өткен жылдың көктемінен бері 261 мыңнан аса науқас, COVID-19-бен ауырыпты. Эпидемиологиялық бағалау матрицасы күннен-күнге қызарып барады. 17 аймақтың сегізі "аса қауіпті" белдеуде жатыр. Ал, бүгін "сары" аймақтағы Шымкенттің қасына Қызылорда мен Павлодар облыстары қосылды. Екпенің жайы туралы да қысқаша айта кетсем. 8-сәуірдегі ақпаратқа сай вакцинаның 1 кезеңін 239 мыңнан астам, 2-шісін 87 мыңдай адам салдырған.


А. Данияр