"Ағатайлар
тендер ойнап жүргенде, балақайлар мектепсіз қалды". Құрылысы уақытында
аяқталмаған білім ошақтары туралы премьер-министр Бағытжан Сағынтаев осылай
деді. Тендердің кешігуінен "Нұрлы жол" бағдарламасы бойынша Ұлттық
қордан бөлінген қаражат игерілмей, кері қайтпақ. Премьер орынбасарларына осы
мәселені түбегейлі шешуді тапсырды.
Сондай-ақ Үкіметте жылу маусымына дайындық барысы пысықталды. Мөлдір Бақыт-қызы
тарқатады.
Елімізде
жыл соңына дейін 106 білім беру мекемесі салынуы керек. 52 мектеп қыркүйекте қолданысқа берілді. Біреуі жаңа оқу жылына
үлгермей қалған. Ол ШҚО-да. Ал үш өңірде он мектепке бөлінген қаражат сол күйі
игерілмей, Ұлттық қорға кері қайтатын болды. Себебі бір - тендер өткізу
кешіккен. Сірә, тым ұзақ таласқа түссе керек.
Бақытжан Сағынтаев, ҚР Премьер-министрі:
Пока взрослые дяди играют в тендер, дети страдают. Надо что-то делать с этим. Дети хотят учиться в новых школах.
Білім ошақтарын салуға қаржы "Нұрлы жол" аясында Ұлттық қордан бөлінген. Игерілмеген қаржат көлемі 3 млрд теңге. Бұған жол берген қай өңірде, қай әкім екенін Сағадиев айтып берді.
Ерлан Сағадиев, ҚР Білім және ғылым министрі:
Ақмола облысы 759 млн теңге. Шучье қаласында құрылыс компаниясымен соттасып жатыр. Маңғыстауда 4 мектепке 1,5 млрд теңге қаралған. Тендерді кешіктіріп отыр. Оңтүстік Қазсқтанда 5 мектеп бойынша 600 млн теңге мемлекеттік сатып алуға арызданып, қайта қаралып жатыр.
Жылу маусымына дайындық барысы да мәз емес. Бозымбаевтың айтуынша, 4 өңір қысқа қамданып үлгермей жатыр. Теміртау қаласы мен Павлодардағы жылу орталықтары жөнделіп бітпеген. Ал Маңғыстаудағы газ құбырлары жаз бойы 12 рет істен шыққан. Шымкенттегі 3-жылу орталыққа жарты жылдан бері газ беру тоқтатылған. Өйткені өңір "Қазтрансгазаймақ" алдында қарыз. Жалпы тасымалдаушы компанияға 3 облыс 3,8 млрд теңгеге бершек.
Қанат Бозымбаев, ҚР Энергетика министрі:
Үшінші энергоорталық Шымкент - 1,5 млрд теңге. Алматы теплокомэнерго - 4 73 млн теңге, Актөбе ТЭЦ - 365 млн теңге. "Жайық теплоэнерго» Уральск - 101 млн теңге.
Әкімдер
жылу маусымы басталғанша, яғни қазан айына дейін, қордаланған қарызды қайтарамыз
деп отыр. Премьер-министр солтүстік облыстарда небәрі бір айдан соң қыс
түсетінін ескертіп, мәселені қатаң бақылауға алуды тапсырды.
Мөлдір БАҚЫТ-ҚЫЗЫ
