Қызылордалық азамат жеңгесі мен құдасын жауыздықпен өлтірген. Жергілікті тұрғындардың айтуынша, көз жұмған келіншек науқас әкесін өз қарауына алып, бірге тұрған. Сол үйге қонаққа келген қайнысы жанжал шығарыпты. Оның соңы қайғылы жағдаймен аяқталған. Әйел сол жерде көз жұмған көрінеді. Облыстық полиция департаментінің мәліметінше, күдікті де пойыздың астына түсіп мерт болған.
ҚЫЗЫЛОРДА ОБЛЫСТЫҚ ПОЛИЦИЯ ДЕПАРТАМЕНТІ:
Қазір аталмыш іс бойынша Қылмыстық кодекстің 99 бабы, 2 тармағына сәйкес сотқа дейінгі тергеу жүріп жатыр. Сондай-ақ, күдіктінің өліміне қатысты 344 баптың 2 тармағына сәйкес іс қозғалды.
Д. Жарқынбек
