Ауа райы -
×
Негізгі / Жаңалықтар / Қызылорда облысында мектептің бу қазандығы жарылды

Қызылорда облысында мектептің бу қазандығы жарылды

Қызылорда облысы  Тасарық ауылындағы  бу қазандығы жарылған мектепте жағдай әлі қалыпқа келмеген. Пеш орналасқан  ғимарат опырылып, сол күйі қирап жатыр. Бірақ сабақ тоқтамаған. Ата-аналар балалардың суық ғимаратта білім алып жатқанына алаңдаулы.  

Едіге САПАРОВ, ТАСАРЫҚ АУЫЛЫНЫҢ ТҰРҒЫНЫ:


Уайымдаймыз.Қазір енді күз болды. Нағыз жағатын кезі. Балалардан сұрап отырмын, киіммен отырамыз дейді барып.  Қазір күн салқын.


Жауаптылардың айтуынша мұндай жағдай бұрын-соңды болмаған. Қазандықтар да айтарлықтай ескі емес еді дейді. Қазір оқиғаның себебін мамандар анықтап жатыр. Ал мектеп басшылығы оқушылар тоңып қалмайды деп отыр.

Әлия ТАЛҒАТБЕКҚЫЗЫ, №238 ОРТА МЕКТЕП  ДИРЕКТОРЫНЫҢ УАҚЫТША МІНДЕТІН АТҚАРУШЫ:


Күн суытқан жағдайда электрлі уақытша бу қазандықтары қосылады деп жоспарлануда. Бүгін осы мақсатта барлық қондырғылар жеткізілді мектепке.

Б. Сатуов