Қазақстанда шетелдік авиакомпаниялардың 25 рейсі тоқтатылды. Бұл туралы Индустрия және инфрақұрылымдық даму министрлігінің баспасөз қызметі мәлімдеді. Министрліктің хабарлауынша, бүгін Нұр-Сұлтан қаласынан Дубай, Минск, Калининград бағыты бойынша 6 рейс жоспарланған. Сондай-ақ, Мәскеу, Франкфурт бағыты бойынша 4 рейс тоқтатылды. Ал, Алматы, Ақтау, Түркістан, Шымкент, Қостанай қаласынан Франкфурт, Баку, Дубай, Минск, Стамбул бағыты бойынша 21 рейс тоқтатылды. Айта кетейік, қазір шетелде 7 жарым мыңға жуық отандасымыз жүр. Құзырлы органдар оларды Қазақстанға жеткізу жұмыстарымен айналысуда.
А. Дүкембаева
