Қызылжардың жылуэлектр орталығында тағы апат болды. "Севказэнерго" компаниясы үш қазандықтың істен шыққанын хабарлады. Бірақ бұл жылу магистральдерінің температурасына әсер еткен жоқ деп мәлімдеді жауапты мекеме. Айта кетейік, жылу маусымы басталғалы электр орталығында осымен үшінші рет төтенше жағдай болып отыр. Алдымен қараша айында екі қазандық, кейін араға бір ай салып тағы үш қазандық істен шықты. Сала мамандары өткен ғасырдың 60-жылдары орнатылған үлкен пештердің әбден тозығы жеткенін айтады.
«СЕВКАЗЭНЕРГО» АҚ БАСПАСӨЗ ҚЫЗМЕТІ:
Жылу электр орталығында №5,6 және 7 жылу қазандықтары бірінен соң бірі тоқтатылды. Қазір жөндеу жұмыстары жүргізіліп жатыр. Апат мамандардың кінәсінен емес, негізгі қондырғылардың тозуынан болды.
А. Құрманкин
