Еріккеннің ермегі ме, әлде мұқтаждық па? Балық аулауға барып, суға қымбат телефонын түсіріп алған адам, оны алып шығу үшін, арнайы маман, яғни сүңгуір көмегіне жүгінген. Бұл кадрлар әлеуметтік желіде тарады. Оқиға еліміздің қай өңірінде болғаны белгісіз. Әуесқой түсірілім иесі, суға кеткен құрылғының құны шамамен 800 мың теңге тұратынын айтады. Бағалы затты судан алып шығуға телефон иесі 160 мың теңге төлеп, арнайы маман жалдаған. Оқиға кеш батқанда орын алғаны байқалады. Тілсіз жаудан қорықпаған су маманы қараңғы түнде өзен түбінен құнды телефонды алып шықты. Құрал жұмыс істеп тұр.
Д. Жарқынбек
