Жергілікті өзін-өзі басқару институттарын одан әрі дамыту мәселесі бүгін Алматыда жан-жақты талқыланды. Қазақстан стратегиялық зерттеулер институтының директоры басқару жүйесін жаңа форматқа көшіруді көтерді. Аймақтардағы мәселе, жергілікті жерлерде шешілуі керек,- дейді. Ол үшін белсенділерден жасақталған қоғамдастықтардың жұмысын жандандыруды ұсынды. Олар әкімдікке бағынбайды. Есесіне өңірлердегі күрмеуі қиын мәселелерді тікелей билікке жеткізіп отырады.
Еркін ТҰҚЫМОВ, ҚР ПРЕЗИДЕНТІ ЖАНЫНДАҒЫ ҚАЗАҚСТАН СТРАТЕГИЯЛЫҚ ЗЕРТТЕУЛЕР ИНСТИТУТЫНЫҢ ДИРЕКТОРЫ:
Бүгінде Қазақстанда 2345 жергілікті қоғамдастық бар. Бұл дегеніміз ауқымы айтарлықтай кең деген сөз. Алдағы 2 жылда біраз нәтижиеге қолжеткізу жоспарда бар. Жергілікті өзін-өзі басқарудың кіріс базасы қазіргі 6-дан 13-ке дейін ұлғаяды. «Жергілікті өзін-өзі басқару туралы» заңына сәйкес жұмыс жасауларын қадағалау жоспарлануда.
Ә. Лесбек
