"Біз конституциялық өзгерістердің мәнін түсінікті,әрі қарапайым тілмен жеткізуіміз қажет. Адамдарды учаскелерге келіп, өз дауысын беруге ынталандыруымыз керек". «AMANAT» партиясының Төрағасы Ерлан Қошанов бүгін Республикалық партиялық штабтың кезекті отырысында осылай деді. Төрағаның айтуынша, референдум өткізуді қолдау мақсатында аманаттықтар 5 мыңнан астам іс-шара өткізіп, оған 220 мыңнан аса адам қатысқан. 5-маусымда өтетін референдумда азаматтарды дауыс беруге шақыру үшін барлық ресурсты жұмылдыру өте маңызды дейді Ерлан Қошанов. Жиын соңында партия Төрағасы үгіт-насихат жұмыстарын жандандыруға қатысты бірқатар нақты тапсырма берді.
