Ауа райы -
Негізгі / Жаңалықтар / БҚО төрт адамды жарақаттаған қасқыр құтырған болып шықты

БҚО төрт адамды жарақаттаған қасқыр құтырған болып шықты

Батыс Қазақстан облысындағы Шоқтыбай аулына шапқан қасқыр құтырған болып шықты. Елді-мекенге екі айға шектеу қойылды. Демек осы уақыт аралығында ауыл халқы сыртқа шыға алмайды және малын да сатуға тиым салынды. Түз тағысы төрт адамды жарақаттаған болатын. Оның бірі 4 жастағы бүлдіршін. Ал қасқыр талаған ауыл иттерінің бүгінде көзі жойылған. Жарақат алған тұрғындарға құтыруға қарсы дәрі салынуда. Енді шектеу талабына сай, ауылдағы төрт түлікте түгелдей егілмек.  Дәрігерлер құтыру ауруы адамнан адамға жұқпайтынын айтады.

Балдай САПАРҒАЛИ, БҚО ВЕТЕРИНАРИЯ БАСҚАРМАСЫНЫҢ БӨЛІМ БАСШЫСЫ:

Аса қауіпті ауру ошағының тіркелуіне байланысты ауылда тіркелген 3 204 бас жануарды құтыру ауруына қарсы вакцинациялау үшін вакцина және дезинфекциялау жұмыстары үшін 11 550 шаршы метр аумаққа дезинфекциялық ерітінді сұратылды. Шектеу шаралары енгізілгеннен кейін ауру ошағын жою бойынша жұмыстарды Республикалық эпизоотияға қарсы отряд жүргізетін болады.


Е. Карин