Алматыда
бала саудасымен айналысқандарға сот үкім шығарды. Перзентхананың медициналық
қызметкерлері мен бала саудасына қатысы бар 15 адам 2 жылдан 9 жылға дейін бас
бостандықтарынан айырылды. Әйелдердің қолдарына сот залында кісен салынды. Олар
жазаларын жалпы тәртіптегі түзету мекемесінде өтейтін болады. Ал, бала асырап
алған 17 ата-ананы сот кешіріп, қылмыстық жауапкершіліктен босатты.
Еске салайық, Алматы облыстық
көпсалалы клиникалық ауруханасы босандыру бөлімінің қызметкерлері 20 баланы
сатты деп айыпталған болатын. Тергеу материалдарына сенсек, олар нәрестелерді
150 мыңнан 6 мың долларға дейін бағалаған. Олар бұл қылмысты 8 жыл бойы
жалғастырған.
Айгүл ЕРМАХАН
