Апта басында Алматыдағы көп қабатты үй тұрғындарының шағымын айтқан болатынбыз. «Комфорт» санаттағы пәтерлердің сырты бүтін болғанымен, іші түтін деген еді жұрт. Құрылысы аяқталмаған кешен, қалай пайдалануға берілген? Бұл сауалға бүгін әкімдік өкілі жауап берді. Ерлан Мергенбаев, 9 қабатты тұрғын үй кешенінің былтырдан бастап қолдануға берілгенін растады. Бірақ қалалық сәулет-құрылыс басқармасының комиссиялық қабылдауынсыз тапсырылды дейді. Өйткені заң жүзінде ол алынып тасталған. Тұрғындардың мәселесін тек мердігер мекемемен немесе сотпен шеше алатынын жеткізді.
Ерлан МЕРГЕНБАЕВ, АЛМАТЫ қ. СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БАС МАМАНЫ:
Бұл үйді «Драгон сити» кешенін қабылдап алуға біз басқарма ретінде қатысқанымыз жоқ. Халықтың шағымы бойынша жауап беретін сол тапсырыс беруші и мердігер ұйым. Тапсырыс беруші де мердігер ұйым да шағын кәсіпкерлік бизнесінің субъектісі болғаннан кейін біз тексеру ашып ол нысанға кіре алмаймыз. Өйткені Президентпен 3 жылға мораторий жарияланған. Объектіге кіруге мүмкіндік жоқ.
Ә. Лесбек
