Алматыда "Нұрлы жер" мемлекеттік бағдарламасымен салынатын көппәтерлі тұрғын үйлердің құрылысына берілетін жер учаскелері азайған. Бұл туралы "AMANAT" партиясының Алматы қалалық филиалының партиялық бақылау комиссиясы мүшелерінің отырысында белгілі болды. Жиналғандар жағдай әзірге ушығып тұрмағанын, бірақ мәселе туындау қаупі бар екенін айтты. Дегенмен кезекте тұрған адамдардың қалаған пәтерлерді алуы азайған. Жағдайды өзгертудің екі жолын ұсынып отыр. Жерді мемлекет қажеттілігі үшін алу немесе сатып алу – дейді.
Әміржан НӘБИЕВ, «AMANAT» ПАРТИЯСЫНЫҢ АЛМАТЫ қ. ФИЛИАЛЫ ПАРТИЯЛЫҚ БАҚЫЛАУ КОМИССИЯСЫНЫҢ ТӨРАҒАСЫ:
Халықтың әлеуметтік осал топтарына, жұмысшы жастар өкілдеріне арналған тұрғын үй қорын қысқарту жөніндегі мемлекет басшысының бастамасы бар. Бұл - бөлінген қорды жетілдіруді талап етуге байланысты. Нақтырақ айтсақ тұрғын үйлер салынған аудандарда инфрақұрылымдарды ретке келтіру қажет. Біз салынып жатқан әр шаршы метрлердің сапасын бақылаудың тиісті деңгейін қамтамасыз ету үшін қажетті жұмысты бастаймыз.
