Түркістан облысында суға батып кеткен екі шетелдік студент әлі табылмады. Оларды іздеуге тікұшақ жұмылдырылды.
Оқыс жағдай кеше түсқайта болған. Оңтүстік Қазақстан медицина академиясының 21 студенті Ақсу шатқалына демалысқа барған. Барлығы Үндістан елінің азаматтары. Төтеншеліктердің дерегінше, 2001 жылы туған 2 студент белгісіз жағдайда Ақсу өзеніне суға батып кеткен. Бір болжам, студенттердің бірі суға құлап кеткен болуы мүмкін. Куәгерлердің айтуынша, екіншісі оны құтқарамын деп суға секірген. Екеуін де ұйық тартып кетті,- дейді куәгерлер.
Ерік САРЫБАЕВ, ТҮРКІСТАН ОБЛЫСЫ ТЖД БАСТЫҒЫНЫҢ ОРЫНБАСАРЫ:
Қазіргі таңда іздестіру жұмыстарына төтенше жағдайлар қызметінен 19 қызметкер, 1 жүзу құралы және төрт бірлік техника, ал Полиция департаментінен 10 қызметкер, 5 бірлік техника жұмылдырылып, іздестіру жұмыстарын жүргізуде. Іздестіру жұмыстарының нәтижелі болуына коньендағы шатқалдар және тік құздардың болуы қиындықтар туындатуда. Алайда здестіру жұмыстары жалғасуда.
А. Төребекқызы
