Нұр-Сұлтан қаласының тұрғыны екі айлық қызын ұрып, бас сындырды. Ауыр жарақат алған нәресте қазір жансақтау бөлімінде жатыр. Полиция департаментінің мәліметінше, ер адам ішімдікке мас болған. Туғанына небәрі екі ай болған сәбиін жерге лақтырып, аямай сабаған. Дәрігерлердің айтуынша, баланың жағдайы нашар. Ал қатыгез әке қамауға алынды.
НҰР-СҰЛТАН қ. ПД БАСПАСӨЗ ҚЫЗМЕТІ:
Аталған факті бойынша ҚР ҚК-нің 107-бабы 1-бөлігі (денсаулыққа қасақана ауырлығы орташа зиян келтіру) бойынша сотқа дейінгі тергеу басталды, тергеу жүргізілуде. ҚР 669-бабына сәйкес, сот бұрын белгілеген ерекше талаптарды бұзғаны үшін ер адам қамауға алынды. Тергеу барысы бақылауға алынды.
Ә. Дүкембаева
