Шымкентте газ тапшы. Автокөлік жүргізушілері сұйылтылған газ таппай бекет аралап жүргендерін айтады.
КӨЛІК ЖҮРГІЗУШІСІ:
Субботадан бастап осы әлекке кетіп жатырқ қой. Егер ертеңнен бастап, қазір уже аз қалды. Мысалы кеше бүгін іздеген едім, короче газ сәл болмай қалса енді автобуспен жүреміз ау. Болды, басқа вариант жоқ. Менің машинам тек газбен жүреді.
Бекеттердің кейбірінде газ мүлдем жоқ болса, кейбірі тек талонмен беріп жатыр. Ал бірлі жарымы шекті мөлшерді белгілеп қойған. Бағасы 60 теңге шамасында.
Ал энергетика басқармасындағылар Шымкентте газ тапшылығы жоқ. Қаладағы 170 газ құю бекетінің 70-інде газ бар дейді . 30 бекетте ғана жоқ екеніне мониторинг барысында көз жеткізген. Дегенмен ол уақытша қиындық деп санайды. Оларға тиесілі отын стансада тұр. Осылай деген өкіл тағы 43 бекетті тексеріп жатқандарын жеткізді.
Мақсат ЕРДЕНБЕКОВ, ШЫМКЕНТ қ. ЭНЕРГЕТИКА ЖӘНЕ КОММУНАЛДЫҚ ШАРУАШЫЛЫҚ БАСҚАРМАСЫ БАСШЫСЫНЫҢ ОРЫНБАСАРЫ:
Ондай дефицит деген жоқ. Қазіргі мына газ толтыру стансада 400 тонна газ тұр. Газонаполнительный стансада 400 тонна газ тұр. 700 тонна жолда келе жатыр. Оның 1008 тоннасы екі стансада простойда тұр. Енді оның бәрін логистиканы жөндеп дұрыстап оның бәрін тездеп заправкалар өздеріне алып құйып сату керек қой халыққа.
Тамыз айына қажеттілік 7 176 тонна деген басқарма өкілі 21 газ таратушы компания 170 бекетке сұйық отынды уақытылы жеткізіп отыруы керек дейді. Ал әкімдіктің тек бақылаудан басқаға құзыры жоқ екенін айтады.
А. Төребекқызы
