Үндістанның Ченнай қаласында өткен Бүкіләлемдік шахмат Олимпиадасында 5-ші орынға ие болған Қазақстанның әйелдер құрамасы елге оралды. Шахматшыларды «AMANAT» партиясы «JASTAR RUHY» Жастар қанатының белсенділері Алматы әуежайында салтанатты түрде қарсы алды.
Гүлісхан НАХБАЕВА, ШАХМАТТАН ҚАЗАҚСТАН ӘЙЕЛДЕР ҚҰРАМАСЫНЫҢ МҮШЕСІ:
Біздің тарихымызда ең үздік көрсеткішті көрсетіп отырмыз. Алдында Норвегияда алтыншы орынға иеленген болсақ, қазіргі таңда біз бесінші орынға иеленіп отырмыз. Сондықтан, бұл керемет көрсеткіштердің бірі деп те айтсақ болады.
Еліміздің мақтанышы, дарынды шахматшы Жансая Әбдімәлік Бүкіләлемдік шахмат олимпиадасында алғашқы тақталар арасында қола жүлдегер атанды. Ол «AMANAT» партиясының төрағасы Ерлан Қошановтың арнайы алғыс хатымен марапатталды.
Жансая ӘБДІМӘЛІК, ШАХМАТТАН ҚАЗАҚСТАН ӘЙЕЛДЕР ҚҰРАМАСЫНЫҢ МҮШЕСІ:
Салтанатты марапат үшін «AMANAT» партиясына көп рақмет. Ерлан Жақанұлына құттықтауы үшін алғыс айтамын. Кез-келген спортшы үшін оның жетістігі бағаланғаны маңызды. Пандемия кезіндегі үзіліске қарамастан, біздің командамыз жақсы өнер көрсетті деп айта аламын. Мен алтын медальға жақын болдым, алайда, қола жүлдеге де қуандым. Келесі Олимпиадада міндетті түрде алтын аламыз.
М. Жақан
