Қазақстанда жалға берілетін пәтерлерге сұраныс артты. Мұны тұрғын үй сарапшылары айтты. Соңғы аптада жалдамалы тұрғын үй бағасы Павлодарда – 43, Астанада – 24% процентке өскен. Ал, Оралдағы пәтер құны – 18 пайызға дейін көтерілген. сарапшылардың айтуынша, қазір 1 шаршы метрдің орташа бағасы Алматыда -330 мың, Астанада- 370 мың теңге.
Айдос ОҢЛАСЫНОВ, ЖЫЛЖЫМАЙТЫН МҮЛІК АГЕНТТІГІНІҢ МАМАНЫ:
Жалдамалы тұрғын үйге деген сұраныс соңғы аптада 2 есе артты. Осыған байланысты пәтер құны да өсті. Өзгеріс алдымен Алматы қаласында байқалды. Қазір Елордада баспана бағасы арзан деуге келмейді. Әсіресе Ресеймен шекаралас облыстарда сұраныс та көп, үй бағасы да қымбат.
А. Задабек
