Қызылорда қаласының тұрғыны тапа-тал түсте көшеде танысын атып кетті. Оқиға қаланың сол жағалауындағы көпқабатты үйлердің алдында болған. Күдікті – 56 жастағы азамат. Ол атыс қаруымен 43 жастағы әйелді жарақаттап, қашып кеткен. Бірақ жедел іздестіру барысында көп ұзамай қолға түсті. Айғақ заттар тәркіленді.
Рақымжан СҰЛТАНҚҰЛОВ, ҚЫЗЫЛОРДА ҚАЛАЛЫҚ ПБ ТЕРГЕУ БӨЛІМІНІҢ БАСТЫҒЫ:
Аталған дерек бойынша сотқа дейінгі тергеп-тексеру бірыңғай тізіміне ҚК-тің 14-бабының 3-бөлігі, 99-бабының 1-бөлігімен тіркеліп, тергеп-тексеру жүргізілуде.
Оқ жәбірленушінің сол жақ жамбасына тиген. Ішкі мүшелері зақымданған. Қалалық аурухананың жансақтау бөлімінде жатыр. Дәрігерлердің айтуынша, жағдайы ауыр.
М. Тоқтасынқызы
