Президенттікке Үміткер Мейрам Қажыкеннің Ұлытау облысындағы үгіт-насихат науқаны жалғасуда. Ол елдегі ірі өндірістік бірлестіктің бірінде болып, кеншілермен кездесті. Кандидат қызметкерлердің жұмысымен танысып, кеніш шахтасына түсті. Осыдан соң, кәсіпорын мүшелеріне сайлауалды бағдарламасын таныстырды. Сондай-ақ, еңбек адамдарының ұсынысын тыңдады.
Мейрам Зекешұлы алдымен өндірістің асханасында болып, жұмысшылардың ас мәзірімен танысты. Содан соң, медициналық тексеруден өтіп, Анненский кенішінің шахтасына түсті.
Берік БЕКТАСОВ, УЧАСКЕ БАСШЫСЫНЫҢ ОРЫНБАСАРЫ:
Біз қазір 250 м тереңдікте тұрмыз. Бұл жер су айдау уческесі. Суларды жоғары қарай айдаймыз. Бұл жерде 92 адам жұмыс істейді.
Бұл кәсіпорын - елдегі ірі өндірістік бірлестіктердің бірі. Кеннің жалпы тереңдігі шамамен 900 метр.
Кандидат кеншілерге сайлауалды бағдарламасын қысқаша таныстырды. Еңбек адамдарының ұсыныстарын да тыңдады.
А. Задабек
