Президенттікке кандидат Қасым-Жомарт Тоқаевтың Республикалық қоғамдық штабының мүшелері Алматы облысына барды. Онда сайлаушылармен кездесіп, Қасым-Жомарт Тоқаевтың сайлауалды бағдарламасын таныстырды.
Штаб мүшелері Өтеген батыр ауылындағы балалар клиникалық ауруханасы қызметкерлерімен кездесті. Онда кандидаттың сайлауалды бағдарламасындағы ұлттық денсаулық сақтау жүйесін дамытудың негізгі мақсаттары талқыланды.
Азат ПЕРУАШЕВ, ҚР ПРЕЗИДЕНТТІГІНЕ КАНДИДАТ Қ.ТОҚАЕВТЫ ҚОЛДАУ ЖӨНІНДЕГІ РҚШ МҮШЕСІ:
Еліміз үшін тағдыр шешуші кезінде біз дұрыс таңдау жасауымыз керек деп, дұрыс ел басқаратын адамды сайлауымыз керек. Киелі құндылықтарымызды сақтасақ, әрі қарай да біртіндеп-біртіндеп өркениеті мықты елге келеміз деп ешбір күмәнім жоқ.
Штаб мүшелері Қонаев қаласындағы Мәдениет үйінде Алматы облысының жұртшылығымен де жүздесті. Оған 200-ге жуық адам қатысты. Кандидаттың сайлауалды бағдарламасында өңірлерді дамытуға және ауылдағы инфрақұрылымды жаңартуға арналған бағыт бар. Бұл тұрғындардың көңілінен шықты. Сондай-ақ, штаб мүшелері өңірдегі көп балалы аналармен кздесіп, өскелең ұрпақты қолдау және тұрмысы төмен отбасыларды әлеуметтік қамсыздандыру жөніндегі сайлауалды бастамаларды талқылады.
Б. Сатуов
