Президенттікке кандидат Салтанат Тұрсынбекованың үгіт-насихат жұмыстары, бүгінде Түркістан облысында жалғасты. Үміткер өңірдегі кәсіпорын қызметкерлерімен жолығып, сайлауалды тұғырнамасын таныстырды.
Кентау трансформаторлық зауытының қызметкерлерімен кездескен Салтанат Тұрсынбекова еңбек адамдары, олардың қоғамдағы орны жайлы сөз қозғады. Кандидат қатысушылардың жан-жақты сауалдарына жауап беріп, мамандармен тілдесті.
Бауыржан ҚҰДАЙБЕРГЕНОВ, ЗАУЫТТЫҢ БАСҚАРМА ТӨРАҒАСЫ:
Кездесу жақсы өтті, плодотворно. Цехті аралап, біраз мәселелерді қозғадық, производствоны көрсетіп.
Сапар соңында Салтанат Тұрсынбекова оңалту орталығына барды. Орталық 2019 жылдан бері жұмыс істейді. Бүгінде 10-нан аса адам ем алып жатыр.
Салтанат ТҰРСЫНБЕКОВА, ПРЕЗИДЕНТТІККЕ КАНДИДАТ:
Өте керемет бір сұқбат өткіздік осы жерде, пікір алмастық. Бұлардың мен өзім тәнті қалып отырғаным - осындай жағдайға душар болған жандар, соншалықты мінездері қайратты, іштерінен жігерлі, сенімдері мықты өмірге деген. Кейде сау адамның соншалықты құлшынып, өмірге деген үмітін, мақсатын байқамайсың.
А.Серік
