Президенттікке кандидат Мейрам Қажыкеннің үгіт-насихат жұмыстары Өскемен қаласында әлі жалғасуда. Үміткер бұл жолы шаһардағы сүт және нан зауыттарына барды. Жұмысшыларға өзінің сайлауалды тұғырнамасын түсіндірді.
Мейрам Қажыкен алдымен Өскемен қаласындағы сүт өндіру зауытының жұмысшыларымен кездесті. Жиын барысында өзінің сайлауалды бағдарламасын таныстырып, жұмысшылар тарапынан қойылған сұрақтарға жауап берді. Мұнан соң жергілікті нан зауыты ұжымымен де кездесті. Мұндағы мамандар цехтың жұмысы туралы баяндап, жаңа піскен наннан дәм татырды. Сонымен қатар кандидаттың сайлауалды бағдарламасы талқыланды. Өскемендегі сапар соңында Мейрам Қажыкен қазақтың үш биінің ескерткішіне гүл шоқтарын қойып, рухтарына тағзым етті.
Мейрам ҚАЖЫКЕН, ПРЕЗИДЕНТТІККЕ КАНДИДАТ:
Шығыс өңіріне келіп отырмын. Медицина саласының қызметкерлерімен кездестік. Көп мәселе талқыладық. Екінші кездесу ГЭСте болды энергетиктармен. Онда да маңызды сұрақтар болды. Ой пікір алыстық. Сүт өндіру зауытында болды. Идеологиялық терең пікірталас болды. Өзім соған қуанып отырмын.
А. Задабек
