Бүгін
Елбасы Нұрсұлтан Назарбаев Түркия Республикасына ресми сапармен барды. Бұл
туралы Ақорданың баспасөз қызметі хабарлады. Анкарада Қазақстан Президенті мен
Түркия басшысы Режеп Тайып Ердоғанның екіжақты кездесуі өтті. Сондай-ақ кеңейтілген
құрамдағы келіссөздер жасалды.
Айта кетейік, бұл жолы Нұрсұлтан
Назарбаев Түркия Президентінің жеке шақыртуын қабыл алып, бауырлас елге ресми
сапарлады. Қос ел басшысы өткізген шағын құрамдағы келіссөздер барысында екіжақты іс-қимылдың қазіргі ахуалы
сөз болды. Сондай-ақ бірқатар басым бағыттар бойынша Қазақстан-Түркия
стратегиялық серіктестігін нығайту перспективалары талқыланды. Сапар аясында
тараптар халықаралық және өңірлік маңызға ие
мәселелер жөнінде пікір алмасты. Елбасы Нұрсұлтан Назарбаев Режеп
Ердоғанға қонақжайлығы үшін алғыс айтты.
