Астаналық
нейрохирургтар бас миына бірегей ота жасады. Осылайша, тұңғыш рет дәрігерлер науқастың
миындағы қан тамырының кеңейген бөлігін алып тастады. Ерекше операция
Оңтүстік Қазақстаннан ауыр халде жеткізілген әйелге жасалды. 4 сантиметрге
өскен ісік науқастың өміріне қауіп төндірген. Өйткені жарылып, миға қан құйылуы
мүмкін еді.
Операция сәтті өтті. Науқастың халі жақсы, - дейді дәрігерлер. Екі
апта бұрын ғана 36 жастағы Айсұлу Даумованың сөйлеуге шамасы жетпей, төсек
тартып жатқан еді. Осыдан екі ай бұрын босанған әйел қазір емін-еркін қозғалып
жүр.
Айсұлу
Даумова, науқас:
Басымның
мына жағы түгел ауыратын. Үйде жүре алмай қалғам. Күйеуім жұмыста болғандықтан,
8 жастағы ұлым кішкентай інісіне қарайтын. Қазір жағдайым жақсарды.
Талғат
Пазылбеков, Ұлттық нейрохирургия орталығының медициналық директоры:
Отаның
қиындығы - ол тамырлар арқылы жасалады. Қан тамырларға катетерлар енгізіліп, жаңағы аневризмалардың аузы жабылады. Бұлар бас миының тамырлары. Өте күрделі.
Сондықтан мүлт кетсек, ми қызметіне кері әсері тиюі мүмкін.
Айжан ҚУАШ
