АҚШ-та
оқып жүргенде жоғалып кеткен студент жерлесіміз табылды. Бұл туралы «Болашақ»
халықаралық бағдарламалар орталығының президенті Жанболат Мелдешов хабарлады.
Оның айтуынша, Ержан Еліковтің ата-анасы ұлының оқуына жұмсалған 19 млн теңге
шығынды өтеуге міндетті.
Жанболат
Мелдешов, «Болашақ» халықаралық бағдарламалар орталығының президенті:
Әкесі
ұлымен байланыса алмай жүргенін хабарлады. Оны таптық. Америкада алаңсыз өмір
сүріп жатыр екен. Мекен-жайын, телефон нөмірін әкесіне бердік.
Бұдан
бұрын хабарлағанымыздай, Ержан Еліков "Болашақ" бағдарламасымен
АҚШ-тың Пенсильвания штатында оқыған. Алайда оқуы аяқталуына бір ай қалғанда
із-түссіз жоғалады. Соңғы рет бес жыл бұрын ата-анасымен байланысқа шыққан.
Оның жоғалып кеткені туралы сыртқы істер министрлігіне биыл ақпан айында
хабарланыпты. Халықаралық бағдарламалар орталығы басшысының мәліметінше, 2005
жылдан бері шетелдегі беделді оқу орындарында білім алған 155 қазақстандық елге
оралмаған. Олардың мемлекетке қайтаруы тиіс қарызы 2 миллиард теңгеге жуықтайды.
