Көкшетауда жанар-жағармай таситын 2 автоцистерна отқа оранды. Өрт кезінде бекеттің операторы қаза тапты, деп хабарлайды Zakon.kz Ақмола облыстық ТЖД-ға сілтеме жасап.
Көкшетау қаласындағы Солтүстік индустриялық аймақта "Qazaqoil" аумағында, тиеу-түсіру стансасындағы 2 жанар-жағармай таситын цистерналар отқа оранды. Өрт сағат 11-05-те оқшауланып, 20 минут ішінде толықтай ауыздықталды. Өрт аумағы 35 шаршы метрді құрады, деп хабарлайды ТЖД.
"Өрт салдарынан жанар-жағармай құятын автоцистернада болған 1988 жылғы аталған бекеттің операторы қаза тапты", - делінген ТЖД хабарламасында.
Өрттің шығу себебі анықталып жатыр.
