Бүгін
қатарынан екі ведомствода кадрлық ауыс-түйіс орын алды. Қаржы вице-министрі
болып Татьяна Савельева тағайындалды. Оның
мамандығы - экономист, қызметін Астана қалалық қаржы басқармасында жетекші
маман ретінде бастаған. Ал 2012 жылы Қаржы министрлігіне департамент
директоры болып келген.
Сондай-ақ, Мемлекеттік қызмет істері вице-министрі
болып Нұрлан Ыбырайым тағайындалды. Ол - заң ғылымдарының кандидаты, президент
әкімшілігінде қызмет атқарған. Зияткерлік меншік құқығы комитетінде төраға
орынбасары, Мәжілістегі «Нұр Отан» партиясы фракциясының аппарат жетекшісі болып
жұмыс істеген.
Құралай ПИОНЕР
