Оңтүстік Кореядағы Чинджу қаласында өтіп жатқан ауыр атлетикадан Азия чемпионатында Қазақстан құрамасы сапындағы Карина Горичева мен Алексей Чуркин жүлдеге ілінді, деп хабарлайды Zakon.kz Спортты дамыту дирекциясына сілтеме жасап.
Алексей Чуркин (73 келі) жұлқа көтеруді 146 келімен бастап, 154 келі нәтижемен аяқтап кіші күміс жүлдеге иелік еткен. Екінші жаттығуда 186 келіні басынан асырғанымен артынша екі мәрте 191 келі салмақ оған бағынбай кетті. Егер де осы салмақты көтергенде ол Азия чемпионы атанар еді.
Қоссайыс қортындысы бойынша еншісіне 340 келі салмақты жазған Алексей Чуркин Азия чемпионатының қола жүлдегері атанды.
