Жақсылық жасап жарысайық. Елорда тұрғыны Сәуле Түсіпованың өмірлік ұстанымы - осы. Ол мүгедек арбаны жалға беретін кәсіп ашқан. Онда мүмкіндігі шектеулі жанға қажетті жабдықтардың барлығы қолжетімді.
Сәуле Түсіпова - бірінші топ мүгедегі. Ол бір жыл бұрын жолдасымен бірге жеке кәсібін ашқан. Іскер әйел ерекше қажеттіліктері бар адамдарға арнайы құрал-жабдықтарды жалға береді. Айтуынша, келушілер күннен-күнге көбеюде.
Сәуле ТҮСІПОВА, ҚАЛА ТҰРҒЫНЫ:
Қол арбаны қажет ететіндер көп. Балалар, жасөспірімдер, ересектер бар. Қай жастағылар қажет болса бізде бәрі табылады. Адам өзі ғана өмір сүріп қоймай, өзгеге де жақсылық жасағаны дұрыс.
Мұнда қазір 50-ге жуық арба бар. Онымен қоса балдақтарды жалға алуға болады. Тұтынушыларға жоғары сапалы еуропалық өндіріс үлгілері ұсынылады.
Виталий СЕВЕРКОВ, ҚАЛА ТҰРҒЫНЫ:
Аяғыма гипс салынғанына 6 апта болды, тағы бір ай жүремін осылай. Біз Бурабайға бармақшымыз, оңай қозғалу үшін арба алып жатырмын. Өйткені бізге ұзақ уақыт бойы балдақпен секіру оңай емес, веложолмен мүгедектер арбасына міну үшін шаршайсыз, ал мынау ыңғайлы деп ойлаймын. Жарнамалардан табылды.
Саулегі жолдасы Рүстем қолдау көрсетеді. Ерлі-зайыптылар тәуліктің кез келген уақытында жұмыс істейді. Тұтынушылар көп жағдайда жеткізу қызметін қалайды. Онымен Рүстем айналысады. Оның айтуынша, мүгедектер арбасының ай сайынғы жалға алу бағасы -30 мың теңге, ал бір күндік ақысы – 2000 теңге. Балдақты жалға алу ақысы тәулігіне- 500 теңге. Соңғы жарты жылда 200-ге жуық адам өтініш білдірген. Олардың арасында елорда тұрғындары мен қонақтары, сондай-ақ шетелдіктер бар.
Рүстем КЮКОВ, ҚАЛА ТҰРҒЫНЫ:
Біз арбаларды сатып алдық, бұл арбаларды елорда тұрғындары мен қонақтарына береміз. Тұрғындар телефон арқылы хабарласады. Біз инстаграмдамыз, OLX-те, 2gis-те, жарнамалаймыз. Елестетіңізші, бір адам түн ортасында бір жерін сындырып алды. Оны үйге қалай апаруға болады? Сондықтан, мүгедектер арбасын, балдақтарды, жаяу жүргіншілерді жалға алу жазылатын осындай ақпараттық жапсырма, белгі болса, адам бұл жағдайдан бірден шыға алады.
Айта кетейік, ерлі-зайыптылар бизнес гранттары бойынша «Бизнес Бастау» байқауына қатысқан. Нәтижесінде 1 миллион 200 мың теңге ұтып алды. Барлық қаражат осы кәсіпке салынды. Енді олар жобаны одан әрі кеңейтіп, бизнесті қолдау үшін түрлі байқауларға қатысуды жоспарлап отыр.
