Индустрия және инфрақұрылымдық даму министрлігінің Көлік комитетінда қызметкерлердің штат саны ұлғайтылмайды. Мәжіліс депутаттарының сауалына берген жауабында Премьер-Министрдің бірінші орынбасары Роман Скляр осындай ұстанымын айтты.
«Бүгінгі таңда комитеттің штат саны – 115 бірлік. Көліктік бақылау инспекциясы және порттардың теңіз әкімшілігі – 449 бірлік. Абай, Жетісу және Ұлытау облыстарының жаңа инспекцияларының құрылуына байланысты көліктік бақылау инспекцияларының жалпы саны 31 бірлікке ұлғайтылды», - делінген жауапта.
Вице-Премьердің айтуынша, комитетке жетіспейтін адамның орнын цифрлық технологиялардың көмегімен толтыру керек.
«Бұл ретте, сыбайлас жемқорлық тәуекелдерін болдырмау үшін көліктік бақылауды жүзеге асыруға адами фактордың қатысуын барынша азайту үшін көлік саласын цифрландыру жүргізілуде. Осылайша, автоматтандырылған өлшеу станциялары автожолдарда құқық бұзушыларды әкімшілік жауапкершілікке автоматты түрде, адамның қатысуынсыз тарта алады. Сондай-ақ жолаушыларды, жүктерді және қауіпті жүктерді тасымалдауды қашықтықтан бақылау мен мониторингтеу енгізіледі. Осыған байланысты Комитет қызметкерлері санының қосымша өсуі қаралмайды», - деп жазды Роман Скляр.
