Соңғы бірнеше жылда елімізде жұмыс істемейтін ата-аналарға мемлекет бюджетінен қомақты сомада жәрдемақы төленіп келді. Премьер-министрдің баспасөз қызметі хабарлағандай, тек 2023 жылдың 1 тамызына дейін 100 мыңнан астам адам жалпы сомасы 21 млрд теңгеге жуық жәрдемақы алған.
Мемлекет басшысының тапсырмасына сәйкес бала күтімі бойынша төлем ұзақтығы 1,5 жасқа дейін ұзартылды.
«2023 жылғы 1 тамыздағы жағдай бойынша республикалық бюджеттен 107,2 мың жұмыс істемейтін ата-ана 20,9 млрд теңге сомасына жәрдемақы алды», - делінген хабарламада.
Сондай-ақ Мемлекеттік әлеуметтік сақтандыру қорынан 439,6 мың ата-ана 144,8 млрд теңге сомаға табысынан айырылу бойынша әлеуметтік төлем алды.
