Түркияның солтүстік-батысындағы Чанаккале провинциясында орман өрті үйлерді шарпып жатыр.
Соңғы мәліметке қарағанда, алты елдімекеннің тұрғындары қауіпсіз жерге көшірілген.
Биліктің хабарлауынша, аймаққа сегіз ұшақ, 26 тікұшақ, 180 су тасушы машина және 1100-ге жуық өрт сөндіруші жіберілген, деп жазады qazaqstan.tv.
Ал осы елдің көлік министрлігінің мәлімдеуінше, лапылдаған жалынға байланысты Еуропа мен Азия арасындағы тарихи сауда жолы саналатын Дарданнеллы бұғазы уақытша жабылды. Сондықтан Эгей теңізі мен Мәрмәр теңіздері арасында кемелер қатынасы тоқтаған.
