Әлімханұлы өзінің Instagram парақшасында жариялады.
WBO нұсқасы бойынша орта салмақтағы әлем чемпионы қазақстандық Жәнібек Әлімханұлы кезекті жекпе-жегінің алдында жаттықтырушысын ауыстырды, деп хабарлайды ҚазАқпарат.
Бұл жайында Әлімханұлы өзінің Instagram парақшасында жариялады.
«Жаңа бапкер. Жаңа серпін. Жаңа деңгей! Брайан Вилориямен жұмысты бастадық. Брайан - әуесқой бокста да, кәсіпқой бокста да әлем чемпионы болған боксшы. Кәсіпқой бокста 4 дүркін әлем чемпионы атанған. Екі салмақта чемпион болған. Екі чемпиондық титул жеңімпазы. Мықты маманмен Қазақ стилін әрі қарай шыңдауды бастадық. Алла берекелі етсін!»,– деп жазды ол.
