Диетолог Софи Тротман әжімдердің алдын алатын өнімдерді атады, - деп жазады Stan.kz.
Тротманның айтуынша, терінің жастығын сақтауға ықпал ететін бірінші өнім - майлы балық. Ол лосось, скумбрия, анчоус, майшабақ және сардинада кездесетін омега-3 май қышқылдары терінің табиғи қорғаныс тосқауылын қолдайтынын, оны ылғалдандырып, майда әжімдердің пайда болуына жол бермейтінін түсіндірді.
Диетологтың айтуынша, теріге пайдалы әсер ететін тағы бір өнім - авокадо. Тротман жемісте теріні ылғалдандыратын және серпімді ететін моноқанықпаған майлар бар екенін атап өтті.
"Авокадо теріні зақымданудан қорғауға көмектесетін антиоксидант Е дәруменіне бай", - деді маман.
Диетолог жастықты сақтау үшін диетаға тәтті картоп қосуға кеңес берді. Ол тәтті картопқа қызғылт сары түс беретін каротиноидтар теріні жарқыратып, ондағы бета-каротин жасушалардың жаңаруына ықпал ететінін атап өтті.
Сонымен қатар, диетолог дәрумендер мен минералдарға бай жидектерді, жаңғақтар мен тұқымдарды жеу жасқа байланысты өзгерістермен күресуге көмектесетінін айтты.
“Зығыр тұқымдары әсіресе альфа-линолен қышқылына, омега-3 май қышқылының түріне бай. Ол уақыт өте келе терінің сыртқы түрін жақсартады", - деді диетолог.
