Мысырда қонақүй жағажайында шомылып жүрген әйелге акула шабуылдап, оны иығынан тістеп алған. Әйел көп қан жоғалтты, бірақ жұрт оны судан шығара алды. Ол ес-түссіз күйде ауруханаға жеткізілді.
Оқиға Мысырдың Дахаб курортында болған.
Жергілікті қызметтер акуланы іздеу жұмыстарын ұйымдастырды, бірақ әзірге нәтиже шықпады. Шарм-эль-Шейх қаласынан шамамен 100 шақырым жерде орналасқан жағажай уақытша жабылды.
Бұл Мысырда кейінгі үш айда акуланың адамға екінші рет шабуылдауы.
Маусым айында Ресей тұрғыны жыртқыштың құрбаны болды, оны ешкім құтқара алмады.
