Астанада 20 қабаттан құлағалы тұрған қызды күзетші жігіт құтқарып қалды. Әлеуметтік желіде тараған видеода кішкентай қыздың асылып тұрғаны анық байқалады. Оқиға кеше кешкі сағат 16:00 шамасында "Highvill Astana" тұрғын үй кешенінің С блогында болған. 20 қабаттың карнизінде кішкентай қыз ілініп тұр деген хабарлама келіп түскен.
Күзетші дереу 20 қабатқа көтеріліп, қыз құлағалы тұрған пәтерге кірген. Содан кейін баланы карнизден көтеріп, терезеден кіргізіп алған. Шүкір, баланы аман алып қалды. Шамамен 10 жастағы қыз екен. Үйде сол кезде әжесі де болған екен.
Қазіргі уақытта баламен бәрі жақсы, ол ата-анасына берілді.
Сақ болыңыз және балаларыңызға мұқият қараңыз.
