«БҰҰ қысқа мерзімді емес, жүзжылдық дамуымызды айқындайтын шешімдерге назар аударуы керек». Осындай атаумен Президент Қасым-Жомарт Тоқаевтың Америкалық «The Hill» басылымында мақаласы жарияланды. Онда Мемлекет басшысының қазіргі халықаралық мәселелерді шешу үшін бірігіп әрекет етуге шақырған. Әсіресе, Қазақстанның ядролық сынақтардан жапа шеккен ел ретінде жойқын қаруды қолдану қаупіне қатысты алаңдаушылығын атап өткен. Сондай-ақ, әлемде азық-түлік қауіпсіздігі және су мәселесін шешуге бағытталған шараларды қолға алу туралы ұсыныстарын жеткізген.
Қасым-Жомарт ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
Біз болашақта пандемияға дайын болуға ықпал ететін БҰҰ-на биологиялық қауіпсіздік агенттігін құруға шақырамыз. Біз су мәселесі мен жаһандық азық-түлік қауіпсіздігі туралы ашық айттық. Біз уран, литий, сирек кездесетін металдар және басқа да маңызды пайдалы қазбалар кен орындарын игерудің ең тиімді әдісін іздеу арқылы болашақ экономикасының негізін қалау мақсатында халықаралық серіктестерімізбен жұмыс істеуді жалғастырамыз.
Мақалада тек өзекті мәселелер көрсетіліп қана қоймаған. Оларды шешу жолдары айтылған. Әлемдік сарапшы Роман Вакульчук осылай деп пікір білдірді.
Роман ВАКУЛЬЧУК, ХАЛЫҚАРАЛЫҚ САРАПШЫ:
Менің ойымша, мақалада проблемаларды қалай шешуге болатындығы туралы көптеген сапалы ұсыныстар мен идеялар айтылған. Президент ұзақ мерзімді жоспарлауды дамытуға қатысты өте маңызды мағлұматтар айтты. Олар: болашақты болжау, саяси аренада алысты көре алу және сәйкесінше стратегияларды құру, ұзақ мерзімді перспективада осы мәселелерді шешуге бағытталған бірқатар ұсыныстар бар.
