Соңғы кезде өнері мен өмірі қатар талқыланып жүрген Әсел Сәдуақасова шетелге көшіп кетті. Бұл туралы Stan.kz ақпарат агенттігі хабарлайды.
Өнер иесі жақында қиындыққа толы тұрмыстағы өмірін айтып, ашық сұқбат берген еді.
“Бұл шешімді күйеуім Мағжан екеуіміз ортақ қабылдадық. Көктемде Балида тұрған едік. Сол кезде шетелде тұру туралы ой келді. Енді күзде Дубайға қоныс аударып жатырмыз. Бұл сәтті ұзақ күттім. Бақыттымын. Жолдасым Қазақстанда қалып, шаруаларын реттейді, ал мен Дубайдағы үйімізде оны күтетін боламын”, – деп жазды.
Тосын жаңалықты естіген актрисаның оқырмандары сөгіп тастады. “Осындай сатқындардың сөзін құрту керек”, “Қазақтың ақшасын жинап алып, енді лақтырып кетті”, “Сол жақта апат болса елге қашасың” деген секілді жағымсыз пікір жазып жатқандардың қарасы көп.
