Ертең Астанада Түркі мемлекеттері ұйымының оныншы саммиті өтеді. Мерейтойлық жиын қонақтары біртіндеп келіп жатыр. Алдымен Әзербайжан Президенті Ильхам Әлиев мінген ұшақ келді. Сондай-ақ, елордаға Қырғызстан Президенті Садыр Жапаров және Түркия Президенті Режеп Тайип Ердоған табан тіреді. Мәртебелі меймандарды әуежайда Премьер-Министр Әлихан Смайылов күтіп алды. Айта кетейік, түркі мемлекеттері ұйымының саммитіне Әзербайжан, Қырғызстан, Түркия, Өзбекстан мемлекеттерінің басшылары, сондай-ақ бақылаушы мемлекеттер – Мажарстан мен Түрікменстанның көшбасшылары қатысады деп жоспарланған.
